Éischten Spilldag an mir sinn als Supporter besser vertrueden wei Heem Equipe den FC Orania Vianden.

Gespillt gouf mat folgender Opstellung:

Den Alliance Äischdall start besser an den Match an kennt an der 9. Minutte mat enger flaacher Flank an Mëtt virun den Gol. Den Rafael schéisst mat lenks mee den Golkipp paréiert. 

An der 20. Minutte gëtt et duerch en Fräistouss vun Veianen geféierlech virum Gol. Den Daniel kann den Ball op Lat bréngen an den Spiller kann virun der Linn klären. 3 Minutten dono kennt Heem Equipe erëm virun den Gol. Mat enger flaacher Flank an Mëtt muss den Stiermer vun Veianen nëmmen nach den Ball iwwert Linn drécken.

• 23. Min - 1:0 - Frederico Esteves Ferreira

Den Äischdall bleift am Match et kennt awer zu weideren Chancen fir Veianen. No engem Corner an der 40 Minutte erhéicht Veianen op 2:0.

• 40. Min - 2:0 - Nilton Jorge Rocha

Halbzeit

Den Äischdall kënnt wei zu Monnerech wei ausgewiesselt aus der Kabinn an ass rëm besser am Match. An der 47. Minutte kennt den Jordi no engem Corner vum Didi zum Kappball an den Äischdall schléisst rëm un.

• 47. Min - 2:1 - Jordi Oliveira

Den Äischdall ass déi besser Equipe. Trotzdeem kennt Veianen an der 54. Minutte rëm virun den Gol. Den Stiermer schéisst den Ball laanscht den Daniel an erhéicht op

3:1.

• 54. Min - 3:1 - Ruben Junior Rebelo Branco

Den Äischdall äntwert direkt. Den Didi zitt vum 16. Meter per Volley of.

• 55. Min 3:2 - Dylan Simoes Santos

7 Minutten méi spéit. Den Didi rëm um Ball an schlendert en vun 16 Meter an den Wénkel. 

• 62. Min - 3:3 - Dylan Simoes Santos

Den Äischdall gläicht aus well awer méi. 6 Minutten méi spéit gëtt et een weideren Corner vir den Äischdall. Flank vum Didi fënnt den Wee op dem Sam säin Kapp deen den Ball an den Gol käppt.

• 68. Min - 3:4 - Sam Caione

Den Äischdall dréint den Match an hält d'Féierung bis zum Schluss an séchert sech déi éischt 3 Punkten am Championnat.